Бүгүн, 30-июлда өкмөттүн Ысык-Көл облусундагы өкүлчүлүгүндө жыйын болуп, облустагы эпидемиологиялык абал талкууланды. Бул тууралуу өкмөттүн облустагы өкүлчүлүгүнөн билдиришти.
Маалыматка караганда, жыйында Жети-Өгүз району коронавирус жуктургандардын саны боюнча облуста алдыңкы орунда экени белгиленип, акимге жана ыкчам штабдын башчысына маселени тезинен көзөмөлгө алуу тапшырмасы берилди.
Учурда Жети-Өгүз районунда коронавирус жуктурган 180 бейтап дарыланып жатат.
Кыргызстанда бир сутка ичинде COVID-19 U07.1 жана U07.2 инфекциясы 631 адамдан аныкталды. Анын ичинен 94 учур Ысык-Көл облусунда катталган.
Бүгүнкү күнгө чейин Ысык-Көл облусунда 2 533 адамдан коронавирус жана пневмония аныкталды. Алардын ичинен 1523 бейтап айыгып, тилекке каршы 81 киши каза болду.
Пикирлер (0)
Пикир жок. Сиз биринчилерден болушуңуз мүмкүн