Ысык-Көл облусуна Балыкчы шаарындагы "Ак-Кеме" санитардык-карантиндик посту аркылуу гана кирүүгө болот. Кирүү учурунда паспортту көрсөтүү талап кылынат, деп билдирди өкмөттүн Ысык-Көл облусундагы ыйгарым укуктуу өкүлү Акылбек Осмоналиев.
Анын айтымында, Балыкчы шаарындагы постто облустук оорукананын
лабораториясы орнотулган, кирип бара жаткандардан симптомдор табылган учурда
экспресс-анализдер алынат. Текшерүүнүн алгоритмине ылайык, Саламаттыкты сактоо
министрлигинин бардык сунуштамалары сакталат.
“Ал эми облустан райондук администрациялардан жана шаарлардын мэрияларынан
алынган өткөрмө кагаздарын көрсөтүп, “Кызыл Омпол” посту аркылуу чыгышат.
Аймактан-аймакка кирүүгө тыюу салынган, ошондуктан зарылчылык болбосо, үйдө
болууңуздарды суранам”, - деп билдирди Акылбек Осмоналиев.
Пикирлер (0)
Пикир жок. Сиз биринчилерден болушуңуз мүмкүн