Ысык-Көлгө чөгүп кеткен 29 жаштагы жигиттин сөөгү табылды

Ысык-Көл районунда көлгө чөгүп кеткен адамдын жансыз денеси табылды. Бул тууралуу Өзгөчө кырдаалдар министрлигинин басма сөз кызматынан билдиришти.

Маалыматка ылайык, 16-август күнү Бостери айылында көлгө 1991-жылы туулган эркек киши чөгүп кеткен.

Бүгүн 17-август күнү жерине издөө иштерин жүргүзүү үчүн саат 07:00дө ӨКМден куткаруучулар, ИИМден 4 кызматкер жана жергиликтүү тургундардан 2 адам тартылып, саат 08:00дө маркумдун жансыз денесин табышып, ИИМ кызматкерлерине өткөрүп беришкен.

Белгилей кетсек, буга чейин Ысык-Көл облусундагы пансионаттардын биринде 29 жаштагы жигит сууга чөгүп кеткени кабарланган.