Ысык-Көл облусунун Каракол шаарынын Пристань-Пржевальск аймагында көлдүн жээгинен аялдын жансыз денеси табылды. Бул тууралуу "Турмуш" басылмасы Ысык-Көл облусунун Ички иштер башкармалыгынын басма сөз кызматына таянып билдирди.
Маалыматка ылайык, аялдын сөөгүн жергиликтүү тургундар 2021-жылдын 6-апрелинде табышкан.
Окуя болгон жерге ыкчам издөө тобу барган. Сөөктү алгачкы текшерүүдө зордук-зомбулук менен өлүмдүн белгилери байкалган эмес.
Кечээ, 7-апрелде сөөккө экспертиза жүргүзүлдү.
Соттук-медициналык экспертизанын алдын-ала маалыматы боюнча, аял жүрөгү кармап, эс-учун жоготкон. Натыйжада, ал гипотермиядан улам көз жумган.
1977-жылы туулган аял Бишкек шаарынан эжесине конокко келгени аныкталды.
Пикирлер (0)
Пикир жок. Сиз биринчилерден болушуңуз мүмкүн