Бүгүн, 14-июлда Ош шаарынын мэри Таалайбек Сарыбашов шаардагы Кыргызстан Ислам университетине караштуу Ош колледжине барып, аталган окуу жайдын ректору Абдишүкүр Нарматов менен жолугушту.
Ош мэриясынын басма сөз кызматы билдиргендей, жолугушууда А.Нарматов шаар мэрине Кыргызстан Ислам университетинин Оштогу колледжинин имараты жана жатаканасы обсервация катары пайдаланууга бергенин билдирди.
Ош шаарынын мэри кыйын кырдаалда окуу жайды обсервация катары пайдаланууга тапшырып жаткан А.Нарматовго ыраазычылык билдирди. Бул жайда 50 орун даяр.
Ошондой эле окуу жайдын ректору шаардагы ооруканаларга 4 даана кычкылтек концентраторун жана 60 атайын коргонуучу медициналык кийимдерди тапшырды.
Пикирлер (0)
Пикир жок. Сиз биринчилерден болушуңуз мүмкүн