"Исмаил Матраимов" кайрымдуулук фонду Бишкек, Ош шаарларында 295 орундуу стационар даярдап, 10 ИВЛ аппарат жана 500 кислороддук концентраторлорду сатып алды. Бул тууралуу Искендер Матраимов фейсбук баракчасына жарыялады.
Маалыматка ылайык, бүгүн, 5-июнда саат 14:00дө Бишкектеги “Rixon” мейманканасынын базасында 60 орундуу жана “Эльдорадо” соода борборунун аймагында 200 орундуу стационар ачылат. Мейманкананын аймагында дарыгерлер үчүн жатакана уюштурулат.
Мындан сырткары, Ош шаарындагы “Андрос-Ош” көп профилдүү оорукананын базасында 35 орундуу стационар ачылары, ооруканалар жетишпесе “EREM” спорткомплексин күндүзгү стационар катары пайдаланууга берүүгө даяр экени айтылат.
“Исмаил Матраимов" кайрымдуулук фонду Райымбек Матраимовдун демилгеси менен Кыргызстанда эбегейсиз тездик менен тарап жаткан COVID-19 илдети менен күрөшүү акциясын улантууда. Бул убактылуу ооруканаларда Фонд коронавирус илдетинин кесепетинен келип чыккан пневмониянын оор түрү менен жабыркаган оорулууларды айыктыруу үчүн баардык шарттарды түзүп жатат. Ар бир ооруканада реанимация бөлүмү болот”, - деп билдирүү калтырган.
Ошондой эле Райымбек Матраимов 10 жасалма дем алдыруучу аппарат (ИВЛ), 500 кислороддук концентратор, 2 протативдуу рентген аппарат, 50 кандагы кислородду текшерүүчү оксиметр жана дарыгерлерге 200 коргонуучу костюм сатып алганын кошумчалаган.
Андан тышкары, дарыгерлердин айлыктары, оорулуулардын жана медицина кызматкерлеринин 3 маал тамагы Фонд тарабынан камсыздалары айтылат.
Пикирлер (5)