Испанияда коронавирус илдетине кабылган дарыгерлер 30 миңден ашты

Испанияда 31 053 медицина кызматкери коронавирус илдетин жуктуруп алды. Бул тууралуу чет элдик басылмалар жазып чыкты.

Маалыматка ылайык, 20-апрелге карата Испанияда вирустан 34 дарыгер каза болгон.

COVID-19 илдети башталгандан бери Испанияда ооруга кабылгандар 200 210 адамга жетип, 20 852 бейтап каза болгон. Ал эми коронавирустан айыккандар 80 миңге жакындады.

Испания ооруну жуктуруп алгандардын саны боюнча дүйнөдө экинчи орунда турат. Эң көп дартка чалдыккандар Америка Кошмо Штаттарында.