Италиянын Саламаттыкты сактоо министрлигинин маалыматы боюнча вакцина алгачкы мезгилде акысыз эмделет жана аны тобокелдик топторуна кирген адамдар биринчилерден болуп алышат. Вакцинанын бир дозасынын өздүк наркы 2,5 еврону түзөт.
COVID-19 инфекциясына каршы вакцина түзүү боюнча альянска кошулган Италия, Франция, Германия жана Нидерланды өлкөлөрү 300 миллион доза чыгаруу үчүн AstraZeneca компаниясына €750 млн төлөп беришет деп билдирди Италиянын Саламаттыкты сактоо министрлигинин өкүлүнө шилтеме жасаган Reuters агенттиги.
Ошентип, Оксфорддо иштелип чыккан AZD1222 деген аталыштагы жаңы вакцинанын бир дозасы €2,5 болот.
“Вакцина - COVID-19 көйгөйүн биротоло чечүүнүн жалгыз амалы”, - деп айтты Италиянын саламаттыкты сактоо министри Роберто Сперанца.
Ал эми AstraZeneca компаниясы 320 адамга AZD1222 вакцинасын сыноо жакшы натыйжаларды берди деп билдирди.
Пикирлер (0)
Пикир жок. Сиз биринчилерден болушуңуз мүмкүн