Издөөдө жүргөн эл аралык террористтик уюмдун шериктеши кармалды. Бул тууралуу Улуттук коопсуздук мамлекеттик комитетинин басма сөз кызматы маалымдады.
Белгилүү болгондой, УКМК органдары тарабынан жүргүзүлүп жаткан антитеррордук иш-чаралардын алкагында, 2023-жылдын 15-февралында КР УКМКнын Жалал-Абад облусу боюнча башкармалыгы тарабынан, эл аралык террористтик уюмдун (ЭТУ) издөөдө жүргөн шериги - Сузак районунун 1976-жылы туулган Р.К.А. кармалды.
КРнын Кылмыш-жаза кодексинин 241-беренесинин 3-бөлүгү, 30-беренесинин 6-бөлүгү, 27-226-беренесинин 2-бөлүгүнүн 2-пункту жана 3-бөлүгү менен мурда козголгон кылмыш ишинин алкагында, кармалган Р.К.А. ЭТУнун мүчөлөрүнө Калашников (АК-74) жана гранатомет саткандыгы аныкталды. Ал куралдар менен кийинчерек Бишкек шаарынын аймагында террордук актыларды уюштуруу пландалган, бирок ал каражаттар өз убагында КР УКМК тарабынан жок кылынган.
Кармалган Р.К.А. КР УКМКнын Жалал-Абад облусу боюнча тергөө абагына киргизилип, анын ЭТУ менен шериктештикке катыштыгы бар башка фактыларды аныктоо боюнча тергөө-ыкчам иш-чаралары жүргүзүлүүдө.
Пикирлер (0)
Пикир жок. Сиз биринчилерден болушуңуз мүмкүн