Ош облусунда өспүрүм чагылгандан каза болду. Бул тууралуу Өзгөчө кырдаалдар министрлигинин башчысынын орун басары Урматбек Шамырканов брифингде билдирди.
Ал белгилегендей, Ош облусунда табигый кырсыктын кесепетинен эки адам каза болгон. Буга чейин селден бир адам каза болгон.
«Ошондой эле Кара-Суу районундагы айылдардын биринде өспүрүмгө чагылган түшкөн. Ал ооруканага жеткирилген, бирок аны сактап калууга мүмкүн болгон эмес», - деди ал.
Белгилей кетсек, 20-апрелден бери Ош, Баткен, Жалал-Абад жана Талас облустарында 46 жолу сел жүргөн. Ош, Жалал-Абад (Ноокен району) жана Талас облустарында өзгөчө кырдаал режими киргизилди.
Пикирлер (0)
Пикир жок. Сиз биринчилерден болушуңуз мүмкүн