25-26-март күндөрү өлкө аймагында үшүк жүрөт

25-26-март күндөрү Кыргызстандын аймагында туруксуз аба-ырайы күтүлөт: Өлкөнүн кээ бир райондорунда жаан, тоо этектеринде жаан карга айланып, тоолуу райондорунда кар жаашы күтүлөт.

Ош, Жалал-Абад, Баткен облустарынын кээ бир райондорунда жаан-чачын катуу жаашы күтүлөт.

25-27-мартта түнкүсүн Чүй облусунун дыйканчылык аймактарында 0…-2° үшүк жүрүшү, Ош, Жалал-Абад, Баткен облустарынын тоо этектеринде жана Талас облусунун дыйканчылык аймактарында -1…-3° үшүк жүрүшү күтүлөт.