КМШ мамлекет башчыларынын саммити. Бишкектин кайсы көчөлөрү жабылат?

12-13-октябрда Бишкекте КМШ мамлекет башчыларынын саммити өтөт. Бул күндөрү кайсы көчөлөр тосуларын Мамлекеттик Жол кыймылынын коопсуздугун камсыздоо инспекциясы билдирди.

Жолдордун төмөнкү тилкелери жабылат:

- «Манас» аэропортунан Фучик көчөсү менен Чүй проспектисине чейин;

- Чүй проспектиси боюнча Манас проспектисине чейин;

- Манас проспектиси жана Чыңгыз Айтматов проспектиси менен мамлекеттик резиденцияга чейин;

- Садырбаев көчөсү менен мамлекеттик резиденциядан Ата-Бейит мемориалдык комплексине чейин;

- Бишкектен Кантка айланма жолдун боюнда.

Жол кыймылынын коопсуздугун камсыздоо боюнча мамлекеттик инспекциясы келтирилген убактылуу ыңгайсыздыктар үчүн кечирим сурайт жана айдоочулардан маршрутун алдын ала пландап алууну суранат.