ӨКМдин 22 кызматкеринен коронавирус табылды

Өзгөчө кырдаалдар министрлигинин 22 кызматкеринен коронавирус аныкталды. Бул тууралуу маалыматты аталган ведомствонун басма сөз кызматы тастыктады. 

Маалым болгондой, COVID-19 инфекциясына  чалдыккан кызматкерлер өлкөнүн ар кайсыл аймактарында иштешет. Учурда алардын баары медициналык кызматкерлердин көзөмөлүндө. 

22-июнга карата республика боюнча СOVID-19 инфекциясынын жаңы 205 учуру катталды.  Муну менен республика боюнча жалпы 3356 учур болду. Ал эми бир суткада 3 адам каза болуп, жалпы 40 адамды түздү.