Мурда КТРКдан бир клипти эфирге берүү үчүн ырчылар эбегейсиз чоң көлөмдөгү акчаларды беришчү. Бул тууралуу КТРКнын Коомдук байкоочу кеңешинин мүчөсү, ырчы Айбек Карымов бүгүн, 10-июнда Жогорку Кеңештин жыйынында эл өкүлдөрүнүн суроолоруна жооп берип жатып билдирди.
Карымовдун айтымында, жаңы жылдык жана майрамдык көрсөтүүлөргө катышууга ич ара акча чогултулчу. Музыкалык каналга бир клип чыгартууга, ошондой эле ар кандай видеолорду эфирге берүүдө чыгармачыл адамдар жең ичинен акча сунуштап келишкен.
Азыр ушуга окшогон коррупциялык элементтерди жок кылууга аракет кылып, жең ичинен акча берип жумуш бүтүрүүгө каршы туруп жатабыз, деди Карымов.
Пикирлер (1)