Кримтөбөл Камчыбек Асанбек (Камчы Көлбаев) кызы Эркеайымды турмушка узатты. Бул тууралуу «24.kg» агенттиги өздүк булактарына таянып билдирди.
Көлбаевдин күйөө баласынын аты Руслан. Ал 25 жашта. Нике аземи диний каада-салттарга ылайык өттү.
27-март, ишемби күнү Arzu Grand ресторанында нике аземи болуп өттү. Иш-чарага чакыруу социалдык тармактарда жарыяланып, анда колуктунун жана күйөө баланын аталарынын ысымдары көрсөтүлгөн.
Той өзү жекшемби күнү "Версаль" ресторанында өттү. Той диний каадаларга ылайык, эркектер башка саатка жана аялдар башка убакка чакырылган.
Көлбаевдин күйөө баласынын уюшкан кылмыштуу топко эч кандай тиешеси жок экендиги белгилүү. Тойдо белгилүү ырчы Мирбек Атабеков катышып, ырдады.
Пикирлер (1)