Бүгүн, 2021-жылдын 6-октябрында, УКМКнын Ала-Бука райондук бөлүмү үчүн курулган жаңы, заманбап имараттын ачылыш аземи болуп өттү. Ага Атайын кызматтын төрагасы генерал-лейтенант Камчыбек Ташиев, комиттетин жергиликтүү өздүк курамы жана ардагерлери, жергиликтүү бийликтин өкүлдөрү катышты. Бул тууралуу УКМКнын басма сөз кызматы билдирди.
Ачылыш аземинде Камчыбек Ташиев - Атайын кызмат мындан ары да уюшкан кылмыштуу топторго каршы күрөшүү жана коррупцияга каршы иш-аракеттерди активдүү улантаарын белгиледи. Ала-Бука району мамлекеттик чек арага жакын аймак экенин эске салган төрага, кызматкерлерден контрабандага толугу менен бөгөт коюу талап кылынаарын баса белгиледи. Коопсуздук комитетинин аймактардагы бөлүмдөрүнүн материалдык-техникалык базасын чыңдоо, кызматкерлерге жетиштүү шарттарды түзүп берүү аракеттери мындан ары да улантылаарын кошумчалады.
УКМКнын Ала-Бука райондук бөлүмү буга чейин 1936-жылы курулган, иштөө үчүн шарттары жок жайда кызмат өтөп келген.
Пикирлер (1)