Улуттук коопсуздук мамлекеттик комитетинин төрагасы Камчыбек Ташиев бүгүн, 25-апрелде Башкы прокуратурада сурак берип чыкты. Ал сурак тууралуу журналисттердин суроолоруна жооп берди.
"Сурак негизинен 2010-жылдагы июнь коогалаңы боюнча болду. Мен окуяга күбө болгон адам катары көрсөтмө бердим. Июнь окуясы боюнча кылмыш иши козголгон анын кандай жүрүп жатканы тууралуу менин маалыматым жок.
Бирок июнь окуясында Убактылуу өкмөт түштүк региондо өзүнүн бийлигин сактап калуу максатында сепаратисттер менен жаңжал чыгарган болушу мүмкүн. Натыйжада 500дөй адам өлүп, миңдеген адамдар жаракат алган жана өлкөгө олуттуу зыян келтирилген.
Ошондой эле Кадыржан Батыровдун качышы дагы күмөндүү ойлорду жаратат",- деди Ташиев.
Пикирлер (1)