Камчыбек Ташиев FIFA өкүлдөрү менен жолукту

Кыргыз футбол союзунун жаңы жетекчиси Камчыбек Ташиев FIFA өкүлдөрү менен жолукту. Бул тууралуу КФСтин маалымат кызматы билдирди.

Аймактык ассоциацияларды өнүктүрүү боюнча менеджери Андрей Вашкевич жана Эл аралык футбол федерациясынын башкаруу кызматынын улук менеджери Ахмед Харраз бүгүн КФСтин башчысын шайлоого байкоо салышкан.

“Тараптар өлкөдөгү футболду өнүктүрүү боюнча маселелерди талкуулады. Ташиев менен КФСтин вице-президенти Нурдин Букуев FIFAга ыраазычылыгын билдиришти”, — деп айтылат маалыматта.