Камчыбек Ташиев: Жашоом кайрадан башталды. Кийинки өмүрүмдүн бардыгын элге деп өтөм

Биз бүгүн ооруканадан чыктык, эми калган дарыланууну үйдөн улантабыз, деп билдирди экс-депутат Камчыбек Ташиев бүгүн, 9-июлда Фейсбуктагы баракчасынан.

Ал белгилегендей, элдин дубасы, ак тилектери, Алланын буйругу жана ак халатчандардын эмгектери аларды сактап калды.

“Миңдеген адамдардын телефон, ватсап жана башка суроолоруна, каалоолоруна жооп бере албадым, туура түшүнүңүздөр. Баарына ыраазымын, эми жашоом кайрадан башталды. Мындан кийинки өмүрүм элдики, бардыгын элге деп өтөмүн, бүгүнтөн баштап жардам берүүчүлөрдүн чоң армиясынын катардагы жоокеримин”, - деп жазды Ташиев.

 

“Жаша Кыргызстаным, дем ал, дем ал боордошум, ынтымакта жеңебиз!”, - деп кошумчалаган саясатчы.