Кыргыз-өзбек чек арасын делимитациялоо жана демаркациялоо боюнча мамлекеттик комиссиясынын төрагасы, КРнын УКМК башчысы Камчыбек Ташиев Өзбекстандын Ташкент шаарына учуп кетти. Бул тууралуу УКМКнын басма сөз кызматы билдирди.
Визиттин алкагында кыргыз-өзбек чек арасына байланыштуу эки тараптуу сүйлөшүүлөр жүргүзүлөт. Кыргызстан жана Өзбекстандын делегациялары тийиштүү маселелерди 24-25-март күндөрү карап чыгышат. Кыргыз делегациясын УКМК башчысы Камчыбек Ташиев, Өзбек делегациясын Өзбекстандын премьер-министри Абдулла Арипов жетектейт.
Жыйындын жүрүшүндө кыргыз-өзбек чек арасындагы калган аймактарды демаркациялоо маселеси талкууланат.
Пикирлер (1)