Канаданын премьер-министри Украинага келип, 37 млн долларлык жардам берүүнү убадалады

Канаданын премьер-министри Жастин Трюдо 8-майда күтүүсүздөн Украинага келди. Бул тууралуу чет элдик маалымат каражаттары билдирди.

Маалыматка ылайык, Трюдонун Украинага боло турган сапары буга чейин маалымат каражаттарына жарыяланган эмес.

Ал Ирпень шаарына келип, эл менен жолугушуп, шаарды кыдырып чыккан.

Жастин Трюдо Владимир Зеленский менен жолугушуу өткөрүп, Канада Украинага 37 миллион долларлык аскердик жардам көрсөтөрүн жана Россияга карата санкцияларды киргизүүнү улантарын убада кылды.