Өздөрүнүн жеңил ойлуулугу менен мамлекеттин тамырына балта чаап жатканын түшүнбөй жатат биздин депутат-болмуштар. Мындай пикирин Эмилбек Каптагаев Фейсбук баракчасы аркылуу билдирди.
"Мамлекетке, мамлекеттүүлүккө, мамлекеттик жана коомдук түзүмгө жеке бизнес-ишканага мамиле кылгандай мамиле кылуу - бул кылмыш, Конституцияга карата жеке менчик фирманын уставына кылгандай мамиле кылуу дагы - кылмыш, мамлекетик түзүмгө карата жасалган кыянаттык. Өздөрүнүн жеңил ойлуулугу менен мамлекеттин тамырына балта чаап жатканын түшүнбөй жатат биздин депутат-болмуштар... Эртең буга чейин болгон үч козголоң баланын эле оюнчугундай көрүнүп калуусу толук ыктымал экендигин учурда тагдыр чечип жаткан билермандар эстен чыгарбаса деген эле тилек...",- деп билдирүү калтырган Каптагаев.
Белгилүү болгондой, бүгүн Жогорку Кеңештин жалпы жыйынында Конституциянын жаңы долбоору каралып жатат.
Пикирлер (0)
Пикир жок. Сиз биринчилерден болушуңуз мүмкүн