Кар көчкү астында калган 24 жаштагы Адилет Көккөзов үй-бүлөнүн жалгыз баласы

Кар көчкү астында калган 24 жаштагы Адилет Көккөзов үй-бүлөнүн жалгыз баласы. Бул тууралуу анын таякеси "Азаттык" үналгысына билдирген.

Кар астында калган 24 жаштагы Адилет Көккөзовдун жакындары 14-февралдан бери издөө иштерин улантып жатат.

Алар өкмөттөн кар тазалаганга техникадан жардам сурап жатышат. Ал эми Өзгөчө кырдаалдар министрлиги кар калың түшүп калгандыктан жолду тазалап, издөө иштери жүрүп жаткан аймакка техниканы жеткирүү кыйын болуп жатканын билдирди. Окуя Түндүк-Түштүк (Балыкчы - Жалал-Абад) альтернативдүү унаа жолунун 334-340-чакырымында катталган. Мында тоннелдин эки тарабында тең кар көчүп, унааларды басып калган. Көчкүдөн кийин үч кишинин дайыны чыкпай жатат. Алардын экөөсү кытай, бири кыргыз жараны.