“Кара-Балта спирт заводу" ишке киргени турат

“Кара-Балта спирт” заводун кийинки жумадан тартып ишке киргизүү пландалып жатат. Бул тууралуу заводдун директору Таалайбек Далбаев бүгүн, 28-майда Жогорку Кеңештин жыйынында билдирди.

Анын айтымында, завод 5 жылдан бери сырье жок токтоп турган. Эки айдан бери ишканада оңдоо иштери жүргүзүлүп, учурда аяктоо алдында турат. Кийинки жумада ишке киргизүү мелчемделип жатат.

Директордун маалыматы боюнча, башталышында 500 миң дал кубаттуулук менен иштейт. 2 айдан кийин экинчи котелдун оңдоо иштери аягына чыкса, 1 миллион дал кубаттуулук менен иштөө аракети жолго коюлуп жатат. Муну менен бир жылда 1 миллион тоннанын тегерегинде спирт өндүрсө болот.