Кара-Балтада 3 унаанын катышуусунда жол кырсыгы катталып, 4 жаран жаракат алды

Кара-Балта шаарында 3 унаанын катышуусунда жол кырсыгы катталды. Бул тууралуу Чүй облустук милициясынан билдиришти.

Маалыматка ылайык, бүгүн, 4-сентябрда болжол менен саат 14:30 чамасында Кара–Балта шаарынын 8-март көчөсүндө Mercedes-Benz, Honda SRV жана Toyota Avensis үлгүсүндөгү унаалар кагылышкан.

Жол кырсыгынын кесепетинен 4 жаран ооруканага жеткирилген.

Учурда териштирүү иштери жүрүп жатат.