Кара-Сууда базарда киши өлтүрүүгө шектүү жаран кармалды

Кара-Суу районунун базарында киши өлтүрүүгө шектүү жаран кармалды. Бул тууралуу Ош облустук ИИБдин басма сөз кызматы билдирди.

Маалыматка ылайык, кечээ Кара-Суу райондук ооруканасына 45 жаштагы жаран мойнунда өтө оор жаракат менен түшкөн. Көп өтпөй жаран каза болгон.

Аталган иш бирдиктүү реестрге катталып, 47 жаштагы жаран киши өлтүрүүгө шектүү катары "Оомат" базарынан кармалган.

Ал убактылуу кармоочу жайга киргизилген.

Учурда тергөө уланууда.