Кара-Сууда бодо малдарды уурдап, сатып жиберген жарандар кармалды

Ош облусунун Кара-Суу районунда бодо малдарды уурдап, сатып жиберген жарандар кармалды. Бул тууралуу Ош ОИИБдин Басма сөз кызматы билдирди.

Маалым болгондой, жүргүзүлгөн рейддин жүрүшүндө 2022-жылдын 15-октябрында Кара-Суу РИИБдин Кылмыш иликтөө бөлүмчөсүнүн кызматкерлери тарабынан ыкчам-издөө иш-чараларынын натыйжасында Кара-Суу районунун аймагында мал жандыктарды уурдап, аларды сатып жиберген жеринен Кара-Суу районунун жашоочулары 27 жаштагы М.Б., 31 жаштагы С.И., жанан 22 жаштагы А.С., аттуу кылмышкерлердин тобу кармалышты.  

Аталган факты Кылмыштардын бирдиктүү реестрине катталып, Кыргыз Республикасынын Кылмыш жаза кодексинин 205-берененин (уурдоо) негизинде кылмыш иши козголуп, тергөө амалдары башталган.

2022-жылдын 13-октябрь күнү Кара-Суу РИИБге арыз менен Кара-Суу районунун жашоочулары 51 жаштагы М.К., 42 жаштагы М.М., жана 33 жаштагы З.О., аттуу жарандар кайрылышкан. Анда: өздөрүнө таандык мал жандыктарын белгисиз жарандар уурдап кеткендигин билдиришкен. 

Натыйжада 210 000 (эки жүз он миң ) сом

зыян келтирилип, баары ээлерине кайтарылды.

Бүгүнкү күндө кылмышка шектүү жарандар Кара-Суу РИИБдин убактылуу кармоочу жайына киргизилип, шектүүлөр мындан башка кылмыштарга тиешеси бар же жок экендиги текшерилүүдө. 

“Мал уурулук” рейди Ош облусунун бардык райондорунда өткөрүлүүдө.