Кара-Жыгач конушунда жаңы бала бакча курулат. Бул тууралуу Бишкек мэриясынын басма сөз кызматы билдирди.
Маалыматка ылайык, жаңы бала бакча 140 орунга эсептелген. Долбоордук-сметалык документация толугу менен бүтүп, бекитилген.
«Жаңы бакча эки кабаттуу имарат болот, биринчи кабатта оюн бөлмөлөрү, ашкана, уктоочу бөлмөлөр, жуунучу бөлмөлөр, техникалык бөлмөлөр, кабыл алуу бөлмөлөрү, медициналык кабинет болот. Экинчи кабатта мугалимдердин иш бөлмөсү, музыкалык жана спорт залы, оюн бөлмөлөрү, ашкана, кабыл алуу бөлмөлөрү, жуунучу бөлмөлөр, кампалар жана техникалык бөлмөлөр болот», - деп билдирди мэрия.
Пикирлер (4)