Азербайжандын Саламаттык сактоо министрлиги Тоолуу Карабакта 19-20-сентябрдагы "антитеррордук операцияда" каза болгон аскер кызматкерлеринин санын жарыялады.
27-сентябрдагы расмий маалыматта 192 аскер кызматкери жана бир карапайым тургун набыт болуп, 511 жоокер жараат алганы айтылат.
Ал эми Армениянын бийлиги Тоолуу Карабактагы соңку операцияда 200 киши мерт болгонун, 400дөйү жараат алганын, алардын арасында жайкын тургундар, аялдар жана балдар бар экенин билдирген.
Эске салсак, 19-сентябрда Азербайжандын бир күндүк “антитеррордук аскердик операциясында” Тоолуу Карабактын эл аралык коомчулук тааныбаган өкмөтү Бакуга багынып берген.
Пикирлер (0)
Пикир жок. Сиз биринчилерден болушуңуз мүмкүн