Каракалпакстандагы башаламдыктан канча киши каза болгону айтылды

Каракалпакстандын Нукус шаарында орун алган баш аламандыкта 18 адам каза тапты. Бул туурасында аталган өлкөнүн жергиликтүү басылмаларында жазылды.

Маалыматка ылайык, окуядан 243 жаран жарадар болгон. Алардын 38и укук коргоо органдарынын кызматкерлери. Ошондой эле 94 адам ооруканада экендиги айтылды.

Белгилей кетсек, Каракалпакстан Республикасынын борбору Нукус шаарында жүздөгөн жарандар митингге чыгышкан. Алардын нааразычылыгы Баш мыйзамга киргизилип жаткан Каракалпакстан Республикасынын эгемендүүлүгүнө тиешелүү жаңы өзгөртүүлөр менен байланышкан. 2-июлда аталган аймакта 3-июлдан 2-августка чейин өзгөчө абал режими киргизилген. Ага ылайык, өлкөгө кирүүгө жана чыгууга чектөөлөр кирип, бардык коомдук иш-чараларга тыюу салынган.
https://www.super.kg/kabar/news/412099/