Каракол-Эңилчек унаа жолуна көчкү түшүп, жол жабылды

Ысык-Көл облусунун Ак-Суу районуна караган Каракол-Эңилчек унаа жолуна (Чоң-Ашуу) кар көчкү түшүп, жол убактылуу жабылды. 

Транспорт министрлигинен билдиришкендей, азыркы тапта аймакты караган №11 Жол тейлөө ишканасы тарабынан тазалоо иштери жүрүп жатат. 

Белгилей кетсек, көчкү жолдун 82-чакырымына түшкөн. Жабыркагандар жок. 

Учурда Каракол-Эңилчек унаа жолунун Чоң-Ашуу ашуусунда катуу бороон болууда. 

Кошумча маалымат берилет.

"Транспорт жана коммуникациялар министрлиги тоолуу аймактар жана ашуулар аркылуу жол тарта турган айдоочуларды жол эрежелерин так сактоого чакырат",-деп айтылат маалыматта.