Каракол—Эңилчек унаа жолунда сел жүрдү. Бул тууралуу ӨКМдин басма сөз кызматы билдирди.
Маалыматка караганда, Ысык-Көл облусунун Ак-Суу районунда 19-июль күнү саат 12:40 чамасында жаап өткөн жамгырдын кесепетинен кокту-колоттордон келген сел суулары Каракол—Эңилчек унаа жолунун 6 чакырымын кум шагылга толтуруп, унаалардын өтүүсүнө кыйынчылык жараткан.
Тазалоо иш-чараларын жүргүзүүгө №11 ЖТИден 1 жүктөгүч, Суу чарба башкармалыгынан 1 жүктөгүч жана Жарандык коргонуу комиссиясы тартылган.
Кыргызгидромет 18-19-июлдарда тоо этектеринде жана тоолуу райондорунда сел жүрүү коркунучу боюнча шашылыш эскертүү таркаткан.
Пикирлер (0)
Пикир жок. Сиз биринчилерден болушуңуз мүмкүн