Каршы тилкеге чыгып, жүргүнчүлөрдүн өмүрүнө коркунуч жараткан автобустун айдоочусу жумуштан четтетилди. Бул тууралуу Жол кыймылынын коопсуздугун камсыздоо башкы башкармаалыгынан билдиришти.
Белгилей кетсек, буга чейин социалдык тармактарда жүргүнчүлөрдү ташыган автобустун айдоочусу карама-каршы тилкеге чыгып, жол чырактын кызыл түсүнө токтобай, айдап бара жаткандыгы боюнча видео тасма тараган.
Бул маалымат боюнча кайгуул кызматынын Техникалык көзөмөлдөө бөлүмүнүн кызматкерлери автобустун айдоочусун таап, каршы тилкеге чыккандыгы жана жол чырака баш ийбегендиги үчүн 20 миң 500 сом айып салышты.
"Ал эми айдоочунун ишмердүүлүгү коммиссиянын кароосунда каралап, бардык айып пулдарын төлөтүү менен жумуштан четтетүү чечими кабыл алынды", - деп айтылат маалыматта.
Пикирлер (0)
Пикир жок. Сиз биринчилерден болушуңуз мүмкүн