Каржы министри бюджетке канча каражат түшкөнүн жана кайда жумшалганын айтып берди

Каржы министри Алмаз Бакетаев бюджет канча киреше тапканы жана каражат кайда жумшалганы боюнча брифингде айтып берди.

Анын айтымында, республикалык жана жергиликтүү бюджеттерди, ошондой эле Социалдык фонддун жана Милдеттүү медициналык камсыздандыруу фондунун (ММК) бюджеттерин же консолидацияланган бюджетти камтыган мамлекеттик башкаруу секторунун бюджетинин ресурстарынын пландык көрсөткүчтөрү 188 миллиард сомго, ал эми анын аткарылышы 190 миллиард сомго жетти.

Ал белгилегендей, былтыркыга салыштырмалуу өсүш 53,4 млрд.

«Өткөн жылга салыштырмалуу салыктык түшүүлөрдүн өсүшү, өсүү темпи 150% деңгээлинде калууда, бул ресурстар үчүн негизги көрсөткүчтөр. Биринчи жарым жылдыкта 72,7 млрд сомго жакын салык, 31,7 млрд сом бажы төлөмдөрү чогултулду», - деди ал.

Бакетаев социалдык тармакка 65,4 миллиард сом, реалдуу секторго 41,6 миллиард сом, мамлекеттик карызды тейлөөгө 16,4 миллиард сом жана мамлекеттик башкарууга 7,6 миллиард сом бөлүнгөнүн баса белгиледи.