Жогорку Кеңештин депутаттарын Садыр Жапаровдун ант берүү аземине уюштуруучулар өздөрү автобус менен алып кетет. Бул туурасында вице-спикер Аида Касымалиева парламенттин бүгүнкү жыйынында билдирди.
Анын айтымында, эл өкүлдөрүнүн баарын автобустар менен алып барып, кайра алып келет.
“Эртең Жогорку Кеңештин имаратынын батыш тарабына саат 8:30га чогуласыздар, автобустар саат 9:00дө жөнөйт. Чакыруу баракчасы жана кызматтык күбөлүгүңүздөр сөзсүз түрдө жаныңыздарда болушу керек. Жеке транспорт менен барууга тыюу салынат. Иш-чара бүткөн соң Жогорку Кеңештин имаратына кайра эле ошол автобустар ташып келет”, — деди Касымалиева.
Ошондой эле ал инаугурацияга байланыштуу парламенттин бейшембидеги жалпы жыйыны болбой турганын эскертти.
Пикирлер (0)
Пикир жок. Сиз биринчилерден болушуңуз мүмкүн