Каза болгондордун саны 17ге жетти. Түркияда жер титирөөдөн кийин селдин кесепеттерин жоюу иштери уланууда

Түркиянын Шанлыурфа жана Адыяман провинциясында селден улам каза болгондордун саны 17ге жетти. Бул тууралуу ТРТ Хабер маалымдады.

Маалыматка ылайык, нөшөрлөгөн жамгырдан кийин шаарларды баскан селдин кесепеттерин жоюу иштери тынымсыз жүрүүдө. Куткаруучулар жабыркаган жарандар жана мал-жандыктарды куткаруу иштерин жүргүзүүдө. Ошондой эле селден калган ылай жана кумдарды тазалоодо.