Казакстандын борборунда карантин 30-марттан тарта күчөтүлөт. Мындай жаңы буйрукка Нур-Султандын башкы санитардык дарыгери кол койду. Бул тууралуу казак басылмалары билдирди.
Жаңы буйрукка ылайык төмөнкүдөй чектөөлөр киргизилет:
- Бардык студенттер жана мектеп окуучулары аралыктан окутууга өтүшүүдө, акыркы 9, 11 (12) класстардын окуучуларынан тышкары;
- Соода жана көңүл ачуу борборунун иши иш күндөрү саат 17: 00гө чейин жана дем алыш күндөрү иштөөгө тыюу салынат;
- Коомдук тамактануучу жайларга дем алыш күндөрү иштөөгө тыюу салынат (тамакты алып кетүү жана жеткирүүгө гана уруксат).
Шаар "кызыл" зонада жайгашкан. Акыркы сутка ичинде 346 жаңы учур аныкталды. Пандемия башталгандан бери - 30 034 учур катталган.
Пикирлер (0)
Пикир жок. Сиз биринчилерден болушуңуз мүмкүн