Казакстанда бир суткада 27 дарыгер коронавирус илдетин жуктуруп, карантинге жабылган ооруканалардын саны 12ге жетти. Бул тууралуу Алматы шаарынын башкы санитардык дарыгери Айзат Молдагасимова ЖМКларга билдирген.
Маалыматка ылайык, инфекцияны жуктуруп алган дарыгерлердин жалпы саны 211ге жетти. Ал эми 12 оорукана толугу менен жабылып, бейтаптарды кабыл албай жатат.
Учурда Казакстанда коронавирус илдетин жуктургандардын саны 979 адамга жетти. Алардын 110ну илдеттен айыгып, 12си каза болду.
Пикирлер (0)
Пикир жок. Сиз биринчилерден болушуңуз мүмкүн