2020 (жыйырма, жыйырма)
2020 – катар эки нөл болуп,
Адамзаттын көрбөгөнү көр болуп,
Таандай каптап таажы вирус тумоосу
Талып калдык, табият бүт чөл болуп!
Компьютериң кээде талып калгандай,
Континенттер – калың эл көп, ар кандай.
Карантүн бүт каптап калып жер жүзүн
Карантинде жатты баары арданбай.
Канча жакшы адамдарды жоготтук?
Карантинге чыдап, бир жыл короттук!
2020 – катаал, кара жыл болдуң,
Карантиниң ала кет да болот, чык!
2020 – эки катар нөл болгон,
Жакшы баргын, калбайлы биз нөл бойдон!
21 – бул болсун “очко”, утуш жыл,
Жылдан болсун баары май, сүт көл болгон!
2020-жылда жаман так калды,
Жамандыкты эми сенде таштайлы!
Кел уй жылы, баарыбызды кубантчы,
Жаңы жылда баарын жаңы баштайлы!
Жедигер СААЛАЙ, 24.12.2020.
Пикирлер (0)
Пикир жок. Сиз биринчилерден болушуңуз мүмкүн