2022-жылдын 16-сентябры саат 18:30га карата Кыргызстан жана Тажикстандын чек арасындагы кырдаал курч бойдон калууда. Бул тууралуу КР УКМКнын Чек ара кызматы билдирет.
Жетишилген макулдашууларды бузуп, тажик тарап Лейлек районунун Кулунду жана Жаңы-Жер конуштарындагы кыргыз чек арачыларынын позицияларына кайрадан ок чыгарды.
Ал эми Баткен районунда Тажикстандын залптык реактивдүү системалары (РСЗО) тарабынан аткылоо орун алды.
КР УКМКнын Чек ара кызматы ок атышууну толук токтотуу жана окуяны деэскалациялоо үчүн бардык чараларды көрүүдө.
Пикирлер (0)
Пикир жок. Сиз биринчилерден болушуңуз мүмкүн