Кемин районунун дарыгерлеринин бири коронавирустан каза болду

Психиатр Джалмамбетова Төлөбүбү Мокушевна коронавирус себеп болгон пневмониядан улам көз жумган.

Ал 12-декабрда 73 жашында каза болду.

Т.Джалмамбетова 1947-жылы 17-майда Чүй районунун Жаңы-Турмуш айылында туулган. Кыргыз мамлекеттик медициналык институтун (азыркы Ахунбаев атындагы Кыргыз мамлекеттик медициналык академиясы) бүтүргөн. 1970-жылдардан тартып саламаттыкты сактоо тармагында иштей баштаган.

Өмүрүнүн акыркы жылдары Т.Джалмамбетова Кемин районунун үй-бүлөлүк дарыгерлер тобунда иштеген.