Кениянын Элгейо-Мараквет аймагында жер көчкүдөн 15 киши каза болуп, 22 адам дайынсыз болууда. Бул тууралуу чет элдик басылмалар жазып чыкты.
Маалыматка ылайык, жер көчкү 18-апрелде жүрүп Чесогон шаарына чейин сүрүлүп барып бир нече үйдү басып калган.
Аймактын комиссары Рифт-Валли Джордж Натембея куткаруу иштерине жогорку суунун агымы, чылалар, таштуу жерлер жана нөшөрлөгөн жаан тосколдук жаратып жатканын айткан.
Ал эми тилсиз жоонун кесепетинен 4 миңден ашык адам үйлөрүн таштап кетүүгө аргасыз болгон.
Пикирлер (0)
Пикир жок. Сиз биринчилерден болушуңуз мүмкүн