Учурда кесиптештерим илдетти жуктуруп, ооруп калгандары мен үчүн өкүнүчтүү, деп билдирди саламаттыкты сактоо министри Сабиржан Абдикаримов бүгүн, 14-апрелде Жогорку Кеңештин биргелешкен комитеттеринин жыйынында.
Министр депутаттардын суроолоруна жооп берип жатып, алгачкы күндөрү коргоонуу кийимдери жетишпегенин моюнуна алды.
“Бүгүнкү күндө республикадан атайын комиссия жибердик. Ала-Бука районуна барып келишти. Биз дүйнөлүк саламаттыкты сактоо уюмунун методикасы боюнча абалдын себептерин иликтөөгө алабыз. Кайсы жерде кандай мүчүлүштүктөр кеткени аныкталып ага жараша бизге сунуш беришет, ошого карап жыйынтык чыгарабыз”, - деди Абдикаримов.
Ошондой эле, ал өкмөт ооруп калган медицина кызматкерлерине берилүүчү компенсациялардын көлөмүн тактап, атайын жобо иштеп чыкканын, ооруну жуктургандарга 200 миң сом, каза болуп калса 1 млн сом бериле турганын кошумчалады.
Айрым депутаттар дарыгерлерге үстөк пайызы жок ипотекага үй берүү маселесин караштырып чыгууну сунуштады.
Пикирлер (0)
Пикир жок. Сиз биринчилерден болушуңуз мүмкүн