Кикбоксинг боюнча Кыргыз Республикасынын курама командасы 15-24-октябрь күндөрү, Езоло Либо шаарында (Италия) өткөн кикбоксинг боюнча Дүйнө чемпионатында 1 күмүш 2 коло медаль жеңди. Чемпионатка 50 ашуун мамлекеттин спортчулары катышты. Бул тууралуу Жаштар, дене тарбия жана спорт мамлекеттик агенттигинен кабарлашты.
63,5 кг салмак категорияда Фозилжонов Икбол күмүш медалга ээ болуп, дүйнөнүн 8 мыкты кикбоксерчуларынын катарына кирди. Ошондой эле Бирмингем шаарында (АКШ) өтүүчү Бүткүл дүйнөлүк согуш өнөрү оюндарына лицензия жеңип алды.
Алексей Федосеев лоу-кик түрү боюнча коло медалга ээ болду. Ал эми 63 кг чейинки салмак категорияда Бегматов Чыңгыз кик-лайт түрү боюнча коло медаль алды.
Белгилей кетсек, спортчулар Спорттун олимпиялык эмес түрлөрү боюнча дирекциясы тарабынан иш-сапарга жөнөтүлгөн.
Пикирлер (0)
Пикир жок. Сиз биринчилерден болушуңуз мүмкүн