Абакиров Бекдөөлөт Абакирович Ош шаардык дене тарбия жана спорт комитетинин башчысынын милдетин аткаруучу болуп дайындалды. Тиешелүү буйрукка шаардын мэри Таалайбек Сарыбашов кол койду.
Абакиров бул кызматка кылмыш ишине аралашкан Кылычбек Саркарбаевдин ордуна келди.
Абакиров 29 жашта, буга чейин "Жапалак" унаа базарынын директору болуп иштеген.
Ал профессионал спорт чебери. Күрөш боюнча спорт чебери. Ал өлкөдө жана эл аралык беттештерде катышып келген.
Юстиция министрлигинин маалымат базасында ал "Аттила" спорт клубу коомдук бирикмесинин жетекчиси жана уюштуруучуларынын бири катары көрсөтүлгөн.
Пикирлер (0)
Пикир жок. Сиз биринчилерден болушуңуз мүмкүн