Кылмыш иши козголгон Доскул Бекмурзаев Түркияда экени айтылды

Бүгүн, 11-апрелде Жогорку Кеңештин тармактык комитетинин жыйынында Башкы прокурор Курманкул Зулушев отчет берүүдө.

Жыйындын жүрүшүндө депутат Нурбек Сыдыгалиев мурдагы Энергетика министри Доскул Бекмурзаевге козголгон кылмыш иши тууралуу сурады.

"Ага карата эки кылмыш иши козголгон. Анын кесепетинен өлкөгө 17 миллион сомдон ашык зыян келтирилген. Бекмурзаев ден соолугуна байланыштуу азыркы учурда Түркияда дарыланып жатат. Тергөө иштери ал кайтып келгенден кийин уланат",- деди Зулушев.