Кечээ, 25-мартта депутат Айнура Аскарова азык-түлүктүн кымбатташы калкка оорчулук туудуруп жатканын белгиледи, деп маалымдады ЖК басма сөз кызматы.
“Айрыкча аз камсыз үй-бүлөлөр жана пенсионерлер үчүн оор сокку болууда. Өкмөт тиешелүү чаралары кабыл алышы керек”, - деди ал.
Ушул эле маселеге депутат Айнура Осмонова токтолуп: "Бизде тамак ашка керектүү май чыгарган бир эле ишкана бар. Алардын бардык документтери камсыздалган. Бирок иштебей келет. Андыктан, импортко карата көз карандылыкты азайтып, май чыгарган ишкананы Өкмөт колдоого алышы зарыл", - деп кошумчалады.
Ал эми депутат Тазабек Икрамов коронавирус илдетине каршы эмдөө тууралуу калкка түшүндүрүү иштерин жүргүзүү керектигин белгилеп: "Каяктан келип жатат, алар коопсузбу? - деген суроолор көп болууда. Андыктан, парламентке да так маалымат берүү маанилүү",- деди.
Пикирлер (1)