Кыргыз-Кытай чек арасы убактылуу жабылат

Кыргыз-Кытай чек арасындагы "Эркечтам" көзөмөл өткөрүү пункту 25-июндан 28-июнга чейин жабылат. Бул тууралуу Мамлекеттик чек ара кызматынан билдиришти.

Маалыматка ылайык, Кытайда “Ажыдар кемелер фестивалы (күрүч майрамы)” өтөт, мындан улам чек араны коңшу өлкөнүн демилгеси менен убактылуу жаап туруу чечими кабыл алынган. Жүк ташуу 29-июндан тарта кайра жанданат.

Белгилей кетсек,  "Эркечтам" көзөмөл-өткөрмө жайы пандемиядан кийин 15-апрелден тарта оор жүк ташыган транспорттор үчүн ачылган болчу.