Кыргыз-казак чек арасында 500дөн ашык унаа токтоп турат. Себеби түшүндүрүлдү

Бүгүн, 2023-жылдын 5-октябрында “Ак-Тилек-автодорожный” жана “Кең-Булуң-автодорожный” өткөрүү пункттарынын алдында жүк ташуучу унаалардын топтолушу катталды. Бул тууралуу УКМКнын Чек ара кызматынын маалымат жана байланыш башкармалыгы билдирди.

Саат 14:00гө карата мамлекеттик чек араны кесип өтүү үчүн кезекте 569 автоунаа турат, анын ичинен:

- «Ак-Тилек-автодорожный» – 395 автомашина,

- “Кең-Булуң – автожол” – 121 техника,

- «Чалдыбар-автодорожный» – 53.

«Мамлекеттик чек аранын кыргыз-казак тилкесинде жүк ташуучу унаалардын топтолушуна күз мезгилине мүнөздүү жүк ташуулардын, өзгөчө Кыргызстандан башка өлкөлөргө экспорттолгон айыл чарба продукцияларынын көбөйүшү себеп болууда», — деп айтылат маалыматта.

Автотранспорттун топтолушу циклдүү.

Чек ара кызматы кыргыз тарап да, казак тарап да эч кандай чектөө койбогонун жана өткөрүү пункттары штаттык режимде иштеп жатканын билдирди.