2021-жылдын 5-августунда КР Куралдуу Күчтөрүнүн Генералдык штабынын башчысы генерал-майор Эрлис Тердикбаевдин Россия Федерациясынын Свердлов областынын эл аралык жана тышкы экономикалык байланыштар министри Василий Козлов менен эки тараптуу жолугушуусу болуп өттү. Бул тууралуу министрликтин басма сөз кызматы кабарлады.
Жолугушуунун жүрүшүндө тараптар эки тараптуу кызматташуунун келечегин, ошондой эле маданий-гуманитардык кызматташуунун активдештирүүнү талкуулашты, тактап айтканда, Советтер Союзунун Баатыры генерал-майор И.В. Панфиловдун айкелин чыныгы колодон кую, андан ары бул айкелди Бишкек шаарында Баатырдын ысымын алып жүргөн эс алуу багына орнотуу долбоорун маданий-гуманитардык кызматташуунун алкагында ишке ашыруу маселесине токтолушту.
КР КК Генералдык штабынын башчысы кыргыз-орус кызматташуусунун өнүгүшүнө багытталган колдоолору үчүн россиялык тарапка ыраазычылык билдирди.
Пикирлер (0)
Пикир жок. Сиз биринчилерден болушуңуз мүмкүн